شو مشتافة لإنسان - قديم -

بدّي نفس، و إيقاع و شجَن. بدي ضي. و دولاب و وحلة، بّدي جنون و أمل. بدّي عتب، بدّي تغيير، بدّي أشتاقلك، بدّي حياة و منابر، بدّي روح و3 دقايق، بدّي أدبلك إياها. بدّي أشتري كُراس قوة تحكم بالذات و مفاتيح الحبّ التسعة حتّى أعرف أقرأك. بدّي حُضن و هوا طاير، بدّي دهشة، بدّي إنتظار و شهوة. بدّي إياك، بدّي موج غافي . بدّي أُغنية، بدّي خلايا ، بدّي سرّ ممنوع . بدّي سما و خيال، بدّي إحتمالات و مقاعد، بدّي عتمة و أماني، بدّي سرب طيور، بدّي رشة عطر و شوية مفردات شعريّة، بدّي صدى، بدّي أستوعب إنَا بتفرِق بكوني عايشة، وبين كوني عايشة و مبسوطة، بدّي كلشي، بس كُ لّ ش ي معك.